بقلم محمود ابو اليزيد

الكلمه دي كل يوم بيسمعها كل مسيحي في مصر'> مصر

الكلمه دي انا واثق انها كانت سببت مشاكل كتير من اللي بتحصل قدامنا لحد يومنا ده

بجد انا مش عارف لو واحد جه قالي القرأن بتاعكوا محرف هيبقا موقفي ايه انا مجربتهاش قبل كدا ان حد يقولي كدا بس اكيد هيكون رده الفعل مختلفه

طب ممكن اسأل سؤال هو احنا ليه طالما حاجه مش قابلينها علي نفسنا نقولها للناس

طب ممكن افهم يااستاذ ياللي بتقول كدا

حضرتك قريت الكتاب فعلا ولا سمعت انهم قالوا كدا فايبقا فعلا محرف (اغلبيه الاجابات اللي تلقيتها انا شخصيا( لا)؟؟)

طب طالما حضرتك مشوفتش الكتاب نفسه ولا قريته ليه بتحكم بكدا ؟؟ليه حضرتك مابتستخدمش عقلك اللي ربنا ادهولك عشان تفكر بيه ؟؟صدقوني انا لست عالما في اللاهوت ولا شيخا ازهريا لكنها وجهه نظر انسان منذا ان نشاء وهو يسمع تلك الكلمات

وفعلا حبيت اني اجرب اني اكون مكان الشخص ده اللي بيتقاله كل يوم كتابكم محرف ده وشوفت بعيني الكلمه اللي

اتقالت دي لو كانت اتقالتلي عن القرأن كان هيبقا موقفي متغير خالص

طب ممكن يااستاذ ياللي بتحكم بكدا وخليت نفسك قاضي علي الناس بتحكم بتحريف كتابهم ومره تحكم بتكفيرهم ممكن تقرا ؟؟

طب انا هكلمك عن تجربتي انا/انا جبت الكتاب ده وقريته

الكتاب ده الي قولنا عليه كل اتهامتنا وهنا انا مبتكلمش اني قاضي بحكم بتحريف او بصحه لا انا بتكلم كأنسان حبيت اكون مكان اخويا اللي بيسمع الكلمه دي في اقرب نقاش بيحصل بينه وبين حد هقولك علي شويه حاجه انا نفسي حسيت ان ايه ده الكلام ده هو هو المنهج اللي كلنا كأديان ابراهيميه ماشيين عليه سواء اسلام ،مسيحيه ،يهوديه

(طلع موجود في الكتاب ده فكره التوحيد اللي القرأن اكد عليها ان الله واحد احد (لاَ يَكُنْ لَكَ آلِهَةٌ أُخْرَى أَمَامِي)

طب بلاش دي الكتاب اللي قولنا ان انهم بيعبدوا التماثيل ومش عارف ايه قال(لاتَصْنَعْ لَكَ تِمْثَالًا مَنْحُوتًا، وَلاَ صُورَةً مَا مِمَّا فِي السَّمَاءِ مِنْ فَوْقُ، وَمَا فِي الأَرْضِ مِنْ تَحْتُ، وَمَا فِي الْمَاءِ مِنْ تَحْتِ الأَرْضِ. لاَ تَسْجُدْ لَهُنَّ وَلاَ تَعْبُدْهُنَّ.)

بلاش دي عارف الكتاب ده قال ايه عن الرحمه بالاب والام

(أكْرِمْ أَبَاكَ وَأُمَّكَ لِكَيْ تَطُولَ أَيَّامُكَ عَلَى الأَرْضِ الَّتِي يُعْطِيكَ الرَّبُّ إِلهُكَ)زي مالقرأن قال (وقل لهما قولا كريما )

بلاش دي كمان الكتاب ده قال

(لاتقتل ،لاتزن،لاتسرق،لاتشهد شهاده زور)وجاء القرأن باحكام علي كل من يخالف تلك الوصايا فمن قتل يقتل وغيرها الكثير كما وجد في الكتاب المقدس انه يكون مستوجب الحكم

هيرد واحد يقولي ياعم ده في العهد القديم

طب حاضر حضرتك شوفت تعاليم المسيح لتلاميذه كانت ايه

استني انا هقولك المسيح في مره من المرات صعد علي الجبل وبداء يعلم تلاميذه ويقولهم

(طوبي للرحماء لانهم يرحمون)،(احبوا اعدائكم باركوا لاعنيكم صلوا لاجل المسيئين اليكم )

تصدق بالله انا هقف عند الجمله الاخيره دي ومش هفسرهالك لاني زي ماقولت مش عالم لاهوت ولا حاجه

لكن الجمله دي سمعناها كتير وعشناها وشوفناها من الجماعه المسيحين دول فاكر ساعه الكنائس بتاعتهم لمات اتحرقت

راحوا صلوا من اجل ان ربنا يرحم الارهابيين

عارف الشباب الازهريين اللي اتريقوا علي الصلاه المسيحيه

معظم المسيحين طالبوا بالافراج عنهم عشان ميضعش مستقبلهم

عارف الست اللي فقدت عيالها وجوزها في حادث الانبا صموائيل خدت حقها ازي انها صلت من اجل اللي قتلهم عشان ربنا يرحمه لانه فهم علاقته بربنا غلط

ايه ده الناس دي عجيبه اوي بقا معقول دينهم وكتابهم اللي كل يوم بنقول عليه محرف بيعملهم كدا ؟؟

اه والله هو ده كتابهم/

سيبك من كدا عارف المسيح في عقيدتهم رغم الالم اللي كان فيه قال علي اللي عذبوه ايه (اغفر لهم لانهم لايعلمون مايفعلون )زي ماكتابنا علمنا ان النبي رغم العذاب اللي شافه من اهله قالهم اذهبوا فأنتم الطلقاء

اه والله زي مابقولك كدا

ارجوكم ياجماعه علم ابنك واخوك وكل اللي حواليك اننا لسنا قضاه علي الناس نحكم بتكفيرهم ونحكم بتحريف كتابهم

في ربنا فوق يحكم بكدا

ياجماعه ده القرأن نفسه اللي قال كدا

انا لست عالم لاهوت ولست عالما ازهريا

لكنني انسان محبتش ابقا في موقف اني واحد كل شويه يتهمني في ديني

انا انسان معرفتش الفرق بيني وبين مينا او كيرلس

اتربيت علي ان رمضان ميكملش غير بعزومه عندهم

وان صوم العدرا مسلمين كتير يصوموه وان يوم سبت النور الستات الكبار المسلمين يكحلوا اطفالهم فرحا باليوم (تقليد قديم )

علمونا ازاي اننا نحب بعض ونغفر لبعض متعلموناش نبقا قضاه قاسيين علي الناس ارحموا بعض متكونوش ابدا سبب في كره لو حتي بنسبه خلاف صغيره كلنا انسان كلنا لينا الحق في العباده كل واحده ليه معتقده صدقوني اختلافنا رحمه

احنا مش عاوزين يبقا عندنا تعايش في بلدنا لان التعايش ده يعني اننا اشياء متنافره تمكنا من التعايش بجانب بعضنا البعض

لا لايوجد عندنا هذا المصطلح فلدينا اندماج لاننا جسد واحد ولسنا اجساد متنافره فلن تعرف مينا من احمد ستجد مينا في جامع عمرو ابن العاص وهو الفرحه ملياه في كتب كتاب صاحبه واخوه اللي اتربي معاه هتلاقي احمد بنفس الفرحه في اكليل مينا

احنا مش غرب عن بعض احنا اخوات خلي اللي عايز يفرقنا يظهر علي الوش ويبان واحنا مع بعض دايما

عمرنا ماهنقبل غير اننا نفضل عايشين واحد مع بعض ومش قضاه علي بعض

ربنا يخليكم لينا ويخلينا ليكم

وكل سنه وانتوا طيبين

نقلا عن الفيسبوك